Сукмактан да чыгалмыйлар,
Бер-берен дә уздырмыйлар,
Кызыл күзле ябалактан
Рөхсәт алмый кузгалмыйлар.
Каладагы үгезләрнең
Пар сукмакта мөгезләре.
Сукмактан чыкса мөгез,
Шып туктар чапкан үгез.
Ат түгел, кешнәми,
Йөз аттан ким эшләми:
Үзе йөри тыр да тыр,
Йә, бу нәрсә, кем әйтер?
Тимер жираф, башы күктә,
Күп күтәрә көче күпкә,
Тонна-тонна йөкләрне
Эләктереп ала ул,
Балконнарын балкытып,
Биек өйләр сала ул.
Бурычым бик кечкенә,
Кечкенә дә, төш кенә.
Нечкә баудан төшмим мин,
Чиста керләр тешлим мин.